Psa 3 | DED | STEP | Dawidingo medaha Absaronggac kicfunac worama yegec yofi heiec. O KEBU , ngic ngabafocna yeni homac yombong nga ngic homacngo yacma nubeso andae.

Psalms 3

Ngicngacfora garengyunuude

Dawidingo medaha Absaronggac kicfunac worama yegec yofi heiec.

1 OKEBU, ngic ngabafocna yeni homac yombong nga ngic homacngo yacma nubeso andae. 2 Ngic homac yeneng neac yofi deandae, “Anutungo ye ebicfunac naric mi mesiude.”Selac

3 OKEBU, gennoc oronnuma kasona annec. Geng kuc nga kibikpergiagoc ambadeac anengkecma orucna memiacma meserinukecnec. 4 NiKEBUARU seria kiacba yeng kpetiac tikiyau tacma yoacna turunga merennenude.Selac

5 KEBUNGO nanggenuude, imocac ni mafema monggoc yacbade. 6 Ngic teng taoseng nga noc yeneng habuya habuya kpedzucnema noboc nobocnac hama nubeso oronnugec ni yeneac mi kengecnuude.

7 OKEBU, ge hama ebicfunac mesinuna. Anutuna, ge ngabafocna ngebacngina kpedzamema manganameme enacngina kpemoronggena mabeso. 8 KEBU ye ebic mesi mesi mingina. Kebu, ge ngicngacfocga kenecnununa.Selac